Сообщения с тегами: Железин ауданы

27 қаңтар күні аудандық ішкі саясат бөлімі, жергілікті «Қазақ тілі» қоғамымымен және орталықтандырылған кітапхана жүйесімен бірлесіп, Міржақып Дулатұлы атындағы №3 орта мектебінде «Мемлекеттік тіл – тәуелсіздік символы» байқауы өткізілді. 

Байқау мақсаты — мемлекеттік тілдің қолданыс аясын кеңейту, тіл мәдениетін көтеру, қазақ тілін этносаралық қарым-қатынас тілі ретінде қызметін нығайту, мемлекеттік тілді меңгерген белсенді ұлт жастарын ынталандыру, білімге құштарлық пен еңбекқорлық, бірлік пен жауапкершілік қасиеттерін дәріптеу. Байқау мемлекеттік тілде өткізіліп, үй тапсырмасынан және төрт кезеңнен тұрды. «Ана тілім — айбыным» — таныстыру, қатысушы өзін қысқаметражды бейнеролик түрінде таныстырды, «Өнерліге өріс кең» — қазақтың көрнекті ақын-жазушыларының шығармашылығы бойынша үзінділермен бөлісу. Байқауы кезеңдері — «Сөзжұмбақ», «Сөзмерген» және «Ойлан тап».

Қорытындысы бойынша өзге ұлт өкілдерінің арасынан 1-орынға Михельман Светлана (Алакөл ЖББОМ), 2-орынға Отт Яна (Алакөл ЖББОМ), 3-орынға Чуприкова Ева (Железин №2 ЖББОМ) ие болды.  Қазақ балаларынан 1-орынға Даутова Диана (Аққайың ЖББНМ), 2-орынға Шарипов Ануар (Железин №3 ЖББОМ), 3-орынға Шаймарданова Меруерт (Железин №2 ЖББОМ) ие болды. Қатысушылар дипломдармен және бағалы сыйлықтармен марапатталды.

Номинацияларға ие болған конкурсантар — Халилова Зарина (Башмашын ЖББОМ), Иманбалинова Алтынай (Железин №3 ЖББОМ), Сергазина Асем (Железин №3 ЖББОМ).

Железин аудандық филиалы

Павлодар облысы

Железин ауданының М. Дұлатұлы атындағы мектебінде «Бала тәрбиесіндегі отбасы құндылықтарының рөлі» тақырыбындағы ата-аналар лекторийі өтті.

Лекторий өткізуге «Сенімен болашақ» республикалық ата-аналар қоғамдық бірлестігінің Павлодар облысындағы филиал басшысы Хызыр Жанарыс мырза және  Марғұлан атындағы педагогикалық институтының психология кафедрасының оқытушысы, «Сенімен болашақ» қоғамдық бірлестігінің қамқоршысы, психолог маман  Рахимжанова Арай Белгібайқызы  және облыстық ата-аналар қоғамдық бірлестігінің белсенді әкелері  келді. Шараға  мектептің ата-аналары мен аудандық «Қазақ тілі» қоғамының өкілдері, «Нұр-Ана әлемі» мұсылман әйелдер қоғамының аналары қатысты.

Лекторий  ата –аналардың мектеппен, мұғаліммен тығыз байланыс арттыру және мейрімділікке, ұстамдылыққа тәрбиелеудің жолдарын көрсетуге және бала  тәрбиелеуде отбасы құндылықтарының 10 кеңесіне тоқтала отырып, тәрбие сапасының аз да болса жоғарлауына, ықпал етуіне мүмкіндік тудырды деген сенімдеміз. Айтылған кеңестер әр жанұяның жеке құндылықтарын қалыптастырудың қайнар көзі, тәрбиенің бастауы, әр үйде балалар санасына ұлттық құндылықтарға деген көзқарастарды, салт-дәстүрлер мен әдет-ғұрыптарды, даналық сөздерді, тәрбиенің жоғарғы үлгілерін сіңіруге ықпал етеді деген сенімдеміз.

Отбасы жалғасын табатын құндылықтар негіздерін ұмыт қалдырмай, жаңғырта түсейік, рухани болмысымызды жоғалтпайық!

Железин аудандық филиалы

Павлодар облысы