Ақсу қалалық филиалы

Тіл – тәуелсіздік тірегі

19.01.2023

от admin с Нет комментариев Жаңалықтар Іс шаралар Филиал жаңалықтары

2022 жылғы қыркүйек айынан басталған жергілікті «Қазақ тілі» қоғамының жұмысы жоспарға сәйкес әрі қарай жалғасын табуда. Жуықта Ақсу қаласының №7 орыс мектебінде «Тіл — Тәуелсіздік тірегі» атты дәріс өткізілді.

«Тіл — Тәуелсіздік тірегі» атты дәрістің мақсаты — оқушылардың бойындағы патриоттық сезімдерін ояту, қазақ тіліне деген қызығушылығын арттыру. Тіліміздің мәртебесін жоғары көтеру. Оқушыларға сұрақтар қойып, ашық түрде әңгімелестік. Дәріске Ақсу қалалық «Қазақ тілі» қоғамының хатшысы Елгонденова Гүлнар Көшербайқызы, Ақсу қаласының Құрметті азаматы, Павлодар облысы «Қазақ тілі» қоғамының алқа мүшесі, Ұлт тағдыры қозғалысының үйлестірушісі Қондыкерова Светлана Қабидоллақызы, қоғамның қалалық филиалының мүшесі Оразбай Зина Жұманқызы қатысты.

Павлодар облысы,

Ақсу қалалық филиалы

«Сауатты жарнама»

16.01.2023

от admin с Нет комментариев Жаңалықтар

Ақсу қаласының мәдениет және тілдерді дамыту бөлімі мен жергілікті «Қазақ тілі» қоғамы бірлесіп, 2023 жылғы 11 қаңтар күні жеке меншік кафелерге, асханаларға барып, «Сауатты жарнама» атты акция жүргізді.
Акция мақсаты — ҚР «Тіл туралы» Заңының 21-бабына сәйкес, хабарландырулар, жарнама, прейскуранттар, баға көрсеткiштерi, ас мәзірлері, нұсқағыштар және басқа да көрнекі ақпараттар мемлекеттік тілде, қажет болған жағдайда орыс тілінде және (немесе) басқа тілдерде де жазылу керектігін түсіндіру.

Акция аясында «Бонаппетит», «Тихая гавань», «Лабиринт», «Весна» тамақтану орындары, «Достық» базарының ішіндегі 7 асхана қамтылып, түсіндірме жадынамалары таратылды. Алдағы уақытта барлық жеке меншік мекемелерде «Сауатты жарнама» акциясы жалғасын табатын болады.

Ақсу қалалық «Қазақ тілі» қоғамы,

Павлодар облысы

WhatsApp Image 2022-10-13 at 09.08.28 (3)

«Тіл — тәуелсіздік тірегі». Оқушыларға арналған дәріс

30.12.2022

от admin с Нет комментариев Жаңалықтар Филиал жаңалықтары

Осы жылдың қыркүйек айынан бастап Ақсу қалалық «Қазақ тілі» қоғамы Ақсу қаласының №1 қазақ орта мектебі, №2 орта білім беру мектебі, Дарынды балаларға арналған гимназиясы, Үштерек ОМ, №4 орта мектебі оқушылары үшін «Тіл- тәуелсіздік тірегі» атты дәрістер өткізіп келді.

Бұл шараның мақсаты — оқушылардың патриоттық сезімдерін ояту, қазақ тіліне деген қызығушылығын арттыру. Тіліміздің мәртебесі жайлы кеңінен әңгімеленіп, қазақ халқының жалпы тарихы туралы айтылды. Дәрістерге Ақсу қалалық «Қазақ тілі» қоғамының төрағасы Сейілғазин Қабдрахман Байкенұлы, Ақсу қаласының Құрметті азаматы, Журналистер Одағының мүшесі, қоғам мүшесі Қондыкерова Светлана Қабидоллақызы, қалалық «Қазақ тілі» қоғамының хатшысы Елгонденова Гүлнар Көшербайқызы қатысты.